C. L. R. James | |
---|---|
![]() | |
Persona informo | |
Naskiĝo | 4-an de januaro 1901 en Tunapuna |
Morto | 31-an de majo 1989 (88-jaraĝa) en Londono |
Tombo | Tunapuna (en) ![]() ![]() |
Lingvoj | angla |
Ŝtataneco | Trinidado kaj Tobago ![]() |
Alma mater | Queen's Royal College (en) ![]() ![]() |
Familio | |
Edz(in)o | Selma James (1956–1980) Constance Webb (en) ![]() ![]() |
Infano | 1 |
Okupo | |
Okupo | historiisto filozofo aktivulo politika aktivisto sindikatisto romanisto verkisto ĵurnalisto tradukisto ![]() |
Verkoj | The Black Jacobins Beyond a Boundary Minty Alley World Revolution |
Cyril Lionel Robert JAMES (4a de Januaro 1901 – 31a de Majo 1989),[1] kiu ofte verkis laŭ la plumnomo J. R. Johnson, estis trinidada historiisto, ĵurnalisto kaj marksisto. Liaj verkoj estis influaj en variaj teoriaj, sociaj, kaj historiografiaj kuntekstoj. Lia verkaro estas esence marksisma, kaj li figuras kiel pionira kaj influa voĉo en postkolonia literaturo.[2] Senlaca politika aktivulo, James estis la aŭtoro de la verko de 1937 nome World Revolution (Monda Revolucio) skizanta la historion de la Komunista Internacia, kiu starigis debaton ĉefe en etosoj de Trockismo, kaj en 1938 li verkia pri la Haitia Revolucio, nome The Black Jacobins.[3]
Karakterizita de literatura kritikisto kiel "kontraŭ-stalinisma dialektikisto",[4] James estis konata pro sia memlernado, pro sia foja verkado de teatro kaj fikcio – lia libro de 1936 Minty Alley estis la unua romano de nigra karibiano kiu estis publikigita en Britio[5] – kaj kiel arda sportisto. Li estas fama ankaŭ kiel verkisto pri kriketo, kaj sia libro de 1963 nome Beyond a Boundary, kiun li men priskribis kiel "nek kriketaj memoroj nek membiografio",[6] estas ofte nomita kiel la plej bonkvalita aparta libro pri kriketo, kaj eĉ la plej bonkvalita libro pri sportoj iam verkita.[7]
© MMXXIII Rich X Search. We shall prevail. All rights reserved. Rich X Search